බැස්කර්විල් දඩ බල්ලා - Baskervilles dhada balla

" මට පෙනෙන විදියට, ඔහු පසින් බොහෝ සේ ගමන් කරන ගම් බද දොස්තර කෙනෙකු හැටියටත් මට හිතන්න පුළුවන්." " ඇයි එහෙම කියන්නෙ? " '' මම එහෙම කියන්නෙ මේ බස්තම මුලින් බොහෝ ම ලස්සනට තියෙන්න ඇති වුණාට, දැන් ඒ ඒ තැන කොච්චර හැපිලා වැදිලා තියෙනවා ද කිවුවොත්, නාගරික දොකර කෙනෙකු මේක පාවිච්චි කරන්න ඇති යි කියලා හිතන්න අමාරු හින්දා. මේ ගන යකඩ විල්ල ගෙවිලා ගිහිල්ලා. ඉතින් ඒකෙන් පේනවා ඔහු මේකත් අරගෙන හුඟක් ඇවිදලා තියෙන බව." " හරියට ම හරි ! '' යි හෝම්ස් කීවේ ය. '' තවත් කාරණාවක් තියෙනවා. මේකෙ තියෙනවා ' සී. සී. එච්. හි මිතුරන්' කියලා. ඒක නිසා මේක දඩයමට සම්බන්ධ සංවිධානයක යම් කිසි දෙයක් කියලා මම අනුමාන කරනවා. ප්‍රාදේශීය දඩයම් සංවිධානයේ සාමාජිකයන්ට ඔහු මොකක් හරි ශල්‍ය වෛද්‍ය උපකාරයක් කරන්න ඇති. ඉතින් ඒ ගොල්ලොත් ඒ වෙනුවට පොඩි පරිත්‍යාගයක් කරන්න ඇති.'' ' ඇත්තට ම වොට්සන්, ඔබ නම් අති විශිෂ්ට යි! '' යි පුටුව පිටු පසට තල්ලු කර, සිගරැට්ටුවක් දල්වා ගනිමින් හෝම්ස් කීය. '' මගේ සුළු සුළු දස් කම් ගැන ඔබ දී තිබෙන සියලු ම වාර්තාවල දි, ඔබ නිරන්තරයෙන්ම ඔබේ දස් කම් අවතක් සේරුවට භාජන කරලා තියෙන බව මම කියන්න ඕන. ඔබ ඔබේ ම බලයෙන් බැබළෙනවා නොවෙන්න පුළුවන්. ඒ වුණාට ඔබ ආලෝකය ගෙන යන සන්නායකයක්. සමහර මිනිස්සුන්ට ශ්‍රේෂ්ඨ බුද්ධි ප්‍රභාවක් නැති වුණත් එවැන්නක් උත්තේජනය කිරීමේ අපූර්ව ශක්තියක් තියෙනවා. මම ඇත්තම කියන්න ඕන යාළුවා, මම ඔබට ඉතා ම ණය ගැතියි. '' ඔහු මෙ වැන්නක් මීට පෙර කිසි කලෙක කියා තිබුණේ නැත. එම නිසා ඔහු ගේ වචන වලින් මා තුළ අසීමිත ප්‍රීතියක් පහළ වූ බව කිව යුතූය.  

Title

බැස්කර්විල් දඩ බල්ලා - Baskervilles dhada balla

Availability

In Stock

Categories

පරිවර්තන, Horror - ත්‍රාස්‍යජනක, රහස් පරීක්ෂණ කතා

Publisher

දයාවංශ ජයකොඩි සහ සමාගම - Dayawansha Jayakody

පිටු ගණන

298

පරිවර්තනය :

K.G. Karunathilake

Tags

ආචාර්ය කේ. ජී. කරුණාතිලක, Baskervilles dhada balla, බැස්කර්විල් දඩ බල්ලා

Customer reviews are not available yet.